Me pirateri merren bandat dhe terroristët

Në mënyrë që publikut të gjerë, më së shpeshti atyre që nuk janë të udhëzuar, tu sqarojnë më për së afërmi piraterinë digjitale, përfaqësuesit e industrisë muzikore e filmike kanë gjetur një ndërlidhje me këtë punë të paligjshme – terrorizëm dhe banda.
Shtëpia analitike RAND ka publikuar një studim bukur interesant i cili drejtpërsëdrejti lidh piratizimin e materialeve digjitale me terrorizmin dhe pjesëmarrjen në banda të rrugës. Kjo nuk është hera e parë që tentohet të gjendet kjo ndërlidhje.

Studimi i emëruar “Film Piracy, Organized Crime, and Terrorism” pohon se grupet terroriste shfrytëzojnë piratizimin e filmave për të financuar punën e tyre, derisa bandat e organizuara e shfrytëzojnë këtë punë, respektivisht shpërndarjen nëpër rrugë të materialeve të piratizuara, gjithashtu si një burim të rëndësishëm të financimit.

Nuk do të debatojmë për ndikimin dhe vendin e piratizimit të materialeve digjitale në shoqërinë e sotme dhe vetëm do të theksojmë faktin se studimin e përmendur e ka financuar Shoqata filmike e Amerikës (MPAA), kështu që aspak nuk na çudisin rezultatet e tij.