Perry nuk ngutet me linjën e modës

Ylli i muzikës pop, Katy Perry, ka refuzuar të shpejtojë me lansimin e linjës së saj të modës, duke thënë se do të kalojnë vite derisa ajo t’i kompletojë planet e saj.
Hitbërësja e këngës “I Kissed A Girl” ka nënshkruar një kontratë për të dizajnuar koleksionin e saj të modës të bazuar në stilin e saj personal. Mirëpo, Perry dëshiron të dëshmojë se dizajnimet e saja do të jenë të një kualiteti të lartë, prandaj ka kërkuar shumë kohë që të fokusohet në këtë projekt.

“Një kohë ka qenë vetëm një ambicie, ndërsa tani gjërat kanë filluar të shkojnë mirë për mua. Do të më duhen së paku dy vite për t’ia filluar mirë dizajnimit. Nuk dëshiroj të bëj diçka të ngutshme dhe jo të mirë”, është shprehur këngëtarja.