Përfundon ankandi për www.kosovo.com

,Domeni kosovo.com pronarë të së cilit deri para disa muajve kanë qenë serbët, është futur në ankand në Sedo.com. Fillimisht ky ankand u caktua të përfundonte me 26 shkurt por data e fundit është caktuar për nesër, 11 mars 2009.

Momentalisht oferta më e lartë është 32,500 euro, dhe si duket vlerësimi fillestar se do të arrijë çmimin në mes të 300,000 dhe 500,000 dollarë nuk u arrit.

Ky është një shans i mirë që qeveria e Kosovës apo ndonjë shqiptar i pasur të hyjë në këtë aksion dhe të fusë çmimin më të lartë para se këtë ta bëjë qeveria serbe, sepse ka indikacione të involvimit të qeverisë serbe në këtë proces.

Kosovo.com është aq domein-emër i rëndësishëm sa që pronari i ri do të ketë shumë përparësi nga blerja, së pari si një platformë propagandimi , sidomos në kohën kur Kosova po kalon nëpër zhvillime me përmasa historike, dhe së dyti posedimi i këtij domeni ka një benefit të madh komercial.

Kjo kompani e ankandeve para disa kohe shiti Melbourne.com për $700,000, Iran.com për $400,000, Malaysia.com për $400,000 dhe Gibraltar.com për $360,000.