Dështimi italian

Asnjë klub italian nuk kaloi në çerekfinale të Ligës së Kampionëve. As Jose Mourinho nuk ishte në gjendje ta thyejë dominimin anglez ndaj italianëve. Klubet nga Serie A janë duke u përmirësuar, por prapë nuk po arrijnë të shfaqen konkurrente. Inter, Juventus dhe Roma u eliminuan. Cilat janë arsyet e dështimit të tyreamjet e klubeve nga Serie A duke dështuar në Ligën e Kampionëve po bëhen të zakonshme. Edhe pse tri ekipet e eliminuara këtë javë ishin nga pak të pafata, një bllokim mendor kundër kundërshtarëve anglezë është në zhvillim.

Trajneri i Interit, Jose Mourinho, i cili fitoi trofeun me Porton më 2004, ishte angazhuar në qershor kryesisht për të shtuar shanset e ekipit të luftojë për garën kryesore të futbollit evropian, që nuk e kanë fituar nga 1965.

Megjithatë, natyra e tij optimiste dhe aftësitë e menaxherit nuk shkuan larg, derisa ai pranoi se italianëve u nevojitet diçka shtesë për të kërcënuar ekipet më të mira të kontinentit. Ish menaxheri i Chelseas foli për mungesën e “intensitetit” të nevojshëm pas eliminimit në rrethin e dytë të garës nga Manchester United të mërkurën me rezultat 2-0 në Old Trafford.

“Na nevojitet diçka për të fituar garën, por për këtë do të bisedoj me klubin. Do ta hapi zemrën”, tha Mourinho. Derisa katër klubet angleze mund të planifikojnë çerekfinalet, homologët e tyre italianë mbeten të analizojnë dhe punojnë shumë për t’u shfaqur më sfidues në Evropë. Serie A është duke u bërë më e drejtpërdrejtë dhe prania fizike e Interit është arsye e rëndësishme pse ata janë duke shkuar drejt titullit të katërt të njëpasnjëshëm, por ende nuk mund të rivalizojnë anglezët.

E përditshmja sportive italiane Tuttosport bëri shaka të enjten me Mourinhon, i cili e quajti veten ‘Special One’ kur erdhi në Chelsea pesë vite më parë. ‘Special Zero, me Mourinhon nuk ndryshoi asgjë”, shkruante në ballinën e Tuttosport.

Bashkërisht, të pafat

Në fakt diçka ka ndryshuar. Inter shfaqi më tepër se luftë në Old Trafford se në rrethin e njëjtë të garës së vitit të kaluar, kur u mposht nga Liverpool. Sulmuesi i Interit, Zlatan Ibrahimovic vazhdoi të zhgënjejë në ndeshjet e mëdha, edhe pse gjërat do të kishin qenë ndryshe nëse goditja me kokë në pjesën e parë, që goditi transversalen dhe ajo në të dytën kur Adriano qëlloi shtyllën, të kishin përfunduar në rrjetë.

Roma po ashtu ishte e pafat kundër Arsenalit të mërkurën kur u mposht 7-6 në penallti, pasi fitoi ndeshjen e kthimit 1-0. Trajneri Luciano Spalletti u desh të kompozojë ekip në mungesë të disa futbollistëve kryesorë, ndërsa në pjesën e parë humbi golashënuesin Juan për shkak të një lëndimi. Juventus po ashtu nuk ishte inferior ndaj Chelseas pas eliminimit nga gara të martën.

Ekipi i Claudio Ranierit lehtë mund të ishte kthyer me barazim nga humbja 1-0 në Stamford Bridge, para se të barazojë 2-2 në Torino. Ranieri theksoi arritjen e Juventusit duke pasur parasysh se ky ishte sezoni i parë i tij në Evropë pas përjashtimit në Serie B më 2006. Skandali Calciopoli dhe mungesa e të ardhurave në dallim me klubet e Premierligës janë po ashtu fajtorë të rëndësishëm në dështimin e klubeve nga Serie A në futbollin evropian.

Por, njësoj si u nevojiten 10 vjet për rikthimin e klubeve angleze nga dënimi Heysel, ekipet italiane janë duke u përmirësuar. Problemi për ta është se Manchester United, Chelsea dhe Arsenal nuk ishin në formën e tyre më të mirë dhe prapë vazhduan garën. Kjo ka bërë që mediat italiane të spekulojnë se futbollistët nga Serie A kanë probleme psikologjikë kundër ekipeve angleze. Madje Mourinho ka theksuar se zgjedhja më e mirë mund të jetë transferimi i disa futbollistëve nga Anglia në përfundim të sezonit.