Vjen shërbimi Google Voice

Kompania Google është e gatshme të bëhet lojtar i madh në industrinë telekomunikuese me shërbimin e saj më të ri pa pagesë të emëruar - Google Voice.
Nëse përdorimi i këtij shërbimi “pranohet”, atëherë disa nga kompanitë e vogla dhe të mëdha të cilat ofrojnë shërbime të ngjashme (si eBay dhe shërbimi i saj Skype) do të mund të shkatërroheshin.

Google Voice paraqet versionin e avancuar të shërbimit të njohur më herët me emrin GrandCentral. Ky shërbim është krijuar me qëllim që të thjeshtësojë udhëheqjen me thirrjet telefonike, postës me zë dhe porosive tekstuale.

Google Voice fillimisht do të jetë në dispozicion vetëm për parapaguesit e shërbimit GrandCentral, derisa tjerët do të kanë rastin që shërbimin ta përdorin pas disa javësh.

Shërbimi Google Voice u mundëson përdoruesve që të drejtojnë thirrjet e tyre kah një numër telefoni i cili në të njëjtën kohë do të lajmërojë në telefonin shtëpiak, në atë të punë si dhe nëpërmes telefonit celular.