Ipko ...Te rejat?

Kompania telekomunikuese IPKO ka lansuar produktin e ri të televizionit kabllor digjital. Ky produkt, cili që nga sot ka filluar të lëshohet në përdorim dhe që ka ngjallur interesim të madh te qytetarët, për drejtuesit e kompanisë është vetëm fillimi. Sistemi kabllor digjital në fillim do të shtrihet në kryeqytet, për të vazhduar më pastaj edhe në komunat e tjera, ku ka të shtrirë rrjetin kompania. Marrësi digjital që është pjesë e kompanisë nga Shqipëria, Digitalb, do t’i ketë 60 kanale, të cilat do të mund të shihen pa pagesë deri më 30 të këtij muaji. Oferta do të jetë e ndarë në tri pako. Drejtuesit e kësaj kompanie kanë thënë se nga viti i ardhshëm klientëve të kompanisë do t’u ofrohen edhe më shumë mundësi për shfrytëzimin e këtij sistemi.