Erste Stiftung edh ene kosove? A e dini pse quhet ashtu

Fondacioni ERSTE, përmes një komunikate për media njofton se Komisioni vlerësues ka futur në listën e ngushtë 71 projekte, të cilët janë finalistë për çmimin e Fondacionit ERSTE për integrimin në shoqëri 2009.

Për ftesën e këtij viti u parashtruan më shumë se 1300 aplikacione nga 8 vende në Evropën Juglindore, nga të cilat 960 kanë qenë të pranueshme.

Ky çmim si i vetmi çmim i këtij lloji ka për qëllim t’i njoh dhe t’i avancojë organizatat dhe projektet që kanë për qëllim të krijojnë një shoqëri stabile dhe të drejtë, e cila përfshinë grupet me disavantazhe dhe të margjinalizuara.

Të gjitha projektet e dorëzuara janë vlerësuar duke u bazuar në kriterin e efektshmërisë së tyre dhe të përfitimeve specifike për shoqërinë.

Në muajt që do të vijnë, juria ndërkombëtare e përbëre prej 17 ekspertëve do t’i përzgjedhë 10 projekte fituese dhe do të ndahen 10 çmime të nderit. Ceremonia e dhënies së shpërblimeve do të mbahet në Bukuresht, më 25 qershor 2009.