Mos iu ndodh’t…Ishalla s`te ndodh ki kujdes njeri

Para se të vendoseni mirë në aeroplan, verifikoni se sa rreshta e ndajnë ulësen tuaj nga dalja më e afërt dhe a dini t’i hapni dyert, janë disa nga këshillat për t’i shpëtuar fatkeqësisë ajrore.

Ndonëse fakti se rrëzimi i ndonjë aeroplani lë pak mundësi për të shpëtuar, është i rrënjosur thellë në mendjen tonë, statistikat tregojnë se ky nuk është rast. Sipas të dhënave të Qeverisë Amerikane në periudhën prej vitit 1983 deri në 2000, fatkeqësive ajrore iu kanë shpëtuar madje 95,7 për qind e udhëtarëve të cilët gjendeshin në këta aeroplanë.

Të njëjtat statistika treguan se fatkeqësia godet 1 në 1,2 milionë fluturime. Por për t’i shtuar gjasat e mbijetesës, ekipi i CNN dha disa këshilla të dobishme.
Në vend të parë gjendet studimi i detajuar i rrethit, me ç’rast duhet të verifikoni sesa larg ulësja juaj gjendet nga dalja më e afërt. Po ashtu duhet të verifikoni a mundeni personalisht t’i hapni dyert e aeroplanit. Është shumë e rëndësishme që t’i dëgjoni udhëzimet e sigurisë madje edhe nëse nuk do të jetë hera e parë në aeroplan për ju.

Grave, ekipi i CNN iu propozon që mos të mbathin këpucë me take të larta sepse në raste të fatkeqësisë vetëm sa munden t’ua vështirësojnë situatën. Sikur edhe në rrugë, edhe në ajër është e rëndësishme të jeni të lidhur me rripin e sigurimit, por duhet provuar se a mundeni ta hiqni me lehtësi.
Marrë parasysh se aeroplanët nuk aterojnë gjithmonë në tokë, me stjuardesën verifikoni a ekzistojnë jelekët për shpëtim.