Përmirësime në Firefox 3.0.8

Në arnimet e fundit të Firefox 3.0 janë rregulluar dy lëshime të sigurisë që janë ndërlidhur me elementet XUL dhe transformimet XSL.
Mozilla ka lansuar edhe një arnim më të vogël të Firefox 3.0 me të cilën janë rregulluar dy lëshime të sigurisë. Të dy lëshimet janë vlerësuar si kritike dhe në situata të caktuara kanë ekzekutuar kodin burimor pasi që kanë “rrëzuar” shfletuesin, derisa i pari ndërlidhet me elementet XUL e i dyti mund të përdoret gjatë transformimeve XSL.

Shumica e përdoruesve ka marrë njoftimin për lansimin e Firefox 3.0.8 me anë të funksionit për arnim automatik, por ata që nuk e kanë bërë këtë atëherë mund të marrin më shumë në faqet zyrtare të Mozillas.