Hoeness: Ribery nuk do të largohet as për 70 milionë

Menaxheri gjeneral i Bayern Munichut, Uli Hoeness, thotë se klubi gjerman nuk do ta shesë Frank Riberyn as për 70 milionë euro.
Drejtuesit e Bayernit vazhdojnë të pohojnë qëndrimin e fuqishëm se ylli i tyre, mesfushori francez Frank Ribery, nuk është për shitje pavarësisht interesimit të madh të gjigantëve rreth e qark Evropës.

“Nuk do ta shesim Riberyn as për 70 milionë euro. Ende nuk kemi marrë një ofertë konkrete për të as nga Real Madrid, as nga Manchester United ose Chelsea”, ka thënë Hoeness për Kicker.

Ribery ka marrëveshje me Bayern Munichun deri në vitin 2011, por vazhdimisht është duke u përfolur për një largim të tij nga Alliaz Arena në fund të sezonit.