Së shpejti muzikë pa pagesë për shkarkim

Në internet së shpejti do të paraqitet një faqe e re për shkarkimin e dosjeve muzikore "Beezik".
Bëhet fjalë për një faqe e cila do të mundësoj shkarkimin e dosjeve muzikore pa pagesë duke marrë poenë për të blerë në internet me çmime më të lira, kanë njoftuar mediat elektronike franceze.

Të gjitha dosjet muzikore, shkarkimi i të cilave do të financohen nga reklamat, do të kanë mbrojtjen DRM (Digital Rights Management) me të cilën numri i kopjeve do të kufizohet në pesë, pas së cilës duhet t’i qasen sërish për të marrë dosjet. Megjithatë, ka paralajmërime se gjatë shkarkimit të këngës do të duhet të shikohet reklama në kohëzgjatje prej 10-15 sekondash, që nuk duket edhe aq ide e mirë.

Do të jetë e pamundësuar që dosjet të mund të incizohen në CD, kështu që ato vetëm do të mund të barten nga njëri kompjuter në tjetrin.