Twitter edhe më tutje lufton kundër sulmeve të hakerëve

Edhe pse kanë kaluar disa ditë nga sulmi më i madh deri tani në këtë shërbim jashtëzakonisht të popullarizuar të internetit, ekipi i Twitter raporton se po vazhdon mbrojtjen nga sulmet DDoS.
Siç edhe kemi raportuar, në fund të javës së kaluar Twitter ka qenë shënjestër e sulmit të hakerëve, me të cilën gjë shumica e përdoruesve nuk kanë mundur t’i qasen. Siç supozohet, edhe Twitter e Facebook si dhe disa shërbime tjera të internetit edhe më tutje janë duke vazhduar të janë viktima të sulmeve të hakerëve.

Ekspertët e sigurisë të Facebook kanë raportuar se sulmet e javës së kaluar janë rezultat i sulmeve të hakerëve të drejtuara kah një përdorues i vetëm i shërbimit, blogerit gjeorgjian i cili fshihet prapa pseudonimit Cyxymu si dhe sulmi DdoS ka qenë i drejtuar drejtpërsëdrejti në të.

Blogeri gjeorgjian Cyxymu në pothuajse të gjitha shërbimet të cilat i përdorë kritikon ashpër autoritetet ruse për hapat që ndërmerr kundër popullit të tij dhe shtetit të Gjeorgjisë.

Aktualisht Twitter me të gjitha forcat po mundohet të mbrohet nga sulmet e reja DDoS, prandaj shërbimi apo disa pjesë të caktuara të përdoruesve kohë pak kohe nuk janë në dispozicion.