Apple Tablet në janar?

Sipas të gjitha gjasave
Apple është duke u përgatitur të prezantojë tabletin e saj para botës,
pasi që raportohet se kompania me bazë në Cupertino, u ka kërkuar
zhvilluesve të aplikacioneve që gjithashtu të përgatisin demo të
rezolucionit të plotë të ekranit për një event që pritet të mbahet në
janar.

“Ata u kanë thënë zhvilluesve të caktuar se përderisa ata
krijojnë aplikacionet e tyre që të përkrahin rezolucion të plotë të
ekranit (në vend të një rezolucioni të fiksuar 320 x 480), aplikacionet e
tyre do të duhej të punojnë për merak” deklaroi një burim anonim për
Business Insider.

Apple veçse ka marrë me qira një qendër eventi
në San Francisko me 26 janar rreth paraqitjes së një produkti, dhe duket
se ky do të jetë momenti kur do të paraqitet për herë të parë Tableti.

Burime
të ndryshme nga interneti kanë theksuar se tani për tani është e
pamundur të blihen ekrane 7 inçëshe të ndjeshme në prekje, dhe se kjo
paraqet edhe një sinjal tjetër të paraqitjes së produktit të Apple gjatë
janarit të vitit 2010.

Në anën tjetër një punëtorë i Apple ka
shpalosur për NY Times se konsumatorët do të “jenë të befasuar mbi
mënyrën sesi ndërveprohet me tabletin e ri”. E çfarë ka dashur të thotë
ai me këtë, askush se di...