Android edhe jashtë celularëve

Kompania Fujitsu ka zbuluar iniciativën e saj Services Built për Android me të cilën ky sistem operativ do të integrohet edhe në pajisjet tjera të elektronikës shpenzuese.
Prodhuesi japonez secilës kompani tjetër të interesuar për zhvillimin e pajisjeve me Android do t’i ofrojë këshilla si dhe përvojën e vet do ta vendos në dispozicion.

Si rezultat i kësaj iniciative para së gjithash do të mund të paraqiteshin playerët mobil multimedial, pranuesit e valëve GPS si dhe pranues tjerë, e madje edhe kompjuterë personal të bazuar në Android, pohojnë nga Fujitsu.

Në rast se kjo platformë dëshmohet si funksionale, për Android do të mund të interesohej edhe industria e automjeteve. Sa dhe si do të paguhet Fujitsu për shërbimet e veta nuk dihet, mirëpo theksojnë se ky variant për prodhuesit është dukshëm më i përshtatshëm dhe më i shpejtë sesa të fillojnë përshtatjen e vet të Androidit.

Zgjerimi i Androidit jashtë domenit të celularit më së shumti e kërcënon gjigantin Microsoft i cili për këto fusha ka Windows CE dhe Mobile.

Përparësi e madhe e vet Androidit, është fakti se është pa pagesë.

dmth ky program po funksjonojka ne menyre vet vetie ah ???