Dy Tecra të reja nga Toshiba

Seria e laptopëve afarist Tecra nga kompania Toshiba është pasuruar me dy modele të reja, njëri me ekran prej 15.4-inçësh, derisa tjetri me ekran më të vogël prej 14.1 inçësh.
Emrat e plotë të modeleve të reja janë A10-S3511 e M10-S3411, derisa specifikat i kanë bukur të ngjashme.

Të dy pajisjet kanë procesor Core 2 Duo P8600 nga Intel i cili punon në 2.4 GHz, disk të fortë me kapacitet prej 160 GB, 2 GB DDR2 SDRAM memorie, WiFi, Bluetooth dhe kamerë të integruar uebi.

A10 është model më i madh, ka ekran me diagonale prej 15.4 inç WSXGA+ me rezolucion, i cili në përkthim i bie 1.680 x 1.050 piksela dhe kartelë grafike Quadro NVS nga Nvidia, derisa disku i fortë është diç më i shpejt dhe punon me 7.200 rrotullime në minutë.

M10 ka ekran 14.1 inçësh, rezolucioni është WXGA+ (1.400 x 900 piksela), çip të integruar të Intelit GM45, derisa disku i sillet 5.400 herë në minutë.

Çmimi për modelin A10 është 1.249 dollarë, derisa M10 është diç më i lirë dhe kushton 1.100 dollarë.