Bot e YJEVE VIP

MENDES NË ROLIN E PRODUCENTES CINIKE
Los Anxhelos, 27 Shkurt 2009 (Kosovapress) Koha 20:14
Duke filluar nga data 6 mars, në kinematë botërore do të fillojë të shfaqet filmi më i ri i Eva Mendes “Live”, në të cilin aktorja me origjinë kubane luan rolin e producentes cinike për të regjistruar sa më shumë shikues nëpërmjet një reality show ku fituesi mbijeton.

Në këtë film, me regji të Bill Guttentag, Mendes është e gatshme të sfidojë këdo për të realizuar një sukses të madh televiziv në të cilin një prej personave do të vdesë dhe të tjerët që shpëtojnë do të çojnë në shtëpi nga pesë milionë dollarë.

Vetë aktorja ka deklaruar se tema e filmit kërkon të provokojë një debat.

“Jam e sigurt se diku në bote ka një drejtues televizioni që kërkon të ndërtojë një show të tipit “Live!”. Nuk është e largët dita kur të krijohet një show, ku një prej konkurruesve të vdesë”, ka thënë Mendes.

Artikulli i ardhshëm