XHEKI ÇEN DËSHIRON TË BËHET AL PAÇINO I AZISË

i njohur nga Hong Kongu, Xheki Çen, i cili kryesisht luan rolet e heronjve simpatikë në filmat e zhanrit aksion-komik, ka pranuar rolin e një imigranti i cili në Japoni bëhet vrasës.

Çen (54) ka thënë të mërkurën se me rolin e ri në filmin “Shinjuku incident”, dëshiron të tregojë se repertori i tij prej aktorit është i shumanshëm.

“Dëshiroj të luaj djemtë e mirë dhe të këqij, role episodike, rolet kryesore, shpirtrat dhe zotat. Dëshiroj t’i luajë të gjithë”, ka thënë Çen për mediat e huaja, duke shtuar se dëshiron që të bëhet Al Paçino ose Robert de Niro i Azisë.

Në filmin “Shinjuku incident”, Çen luan rolin e një automekaniku kinez, i cili arrin si imigrant të hyjë në Japoni, për të kërkuar vajzën e tij, por papritmas fillon punën si vrasës për një gangster japonez.

Ai ka thënë se e ka pasur të vështirë që në filmin e ri të harrojë lëvizjet e tij kung-fu dhe buzëqeshjen e hareshme, të cilat janë të shpeshta në filmat e tij.

Çen ka financuar gjysmën e buxhetit të filmit, i cili “peshon” 25 milionë dollarë.

Premiera e filmit “Shinjuku Incident” do të shfaqet më 22 mars, në festivalin e filmit në Hong Kong.[img]Aktori i njohur nga Hong Kongu, Xheki Çen, i cili kryesisht luan rolet e heronjve simpatikë në filmat e zhanrit aksion-komik, ka pranuar rolin e një imigranti i cili në Japoni bëhet vrasës.