Fotografitë e para të Mazda3 MPS

Mazda ka publikuar fotografitë e para të automjetit Mazda3 MPS i cili premierën zyrtare do ta ketë gjatë panairit të Gjenevës i cili mbahet gjatë muajit mars të këtij viti.
Japonezët kanë mbetur të fshehtë sa u përket karakteristikave teknike të automjetit më brutal Mazda3, derisa nga një raport i mangët për media mund të kuptohet se nën kapak të MPS-it së ri do të gjendet motori i njëjtë, mirëpo ndoshta pak më i fuqishëm nga gjenerata e mëhershme – MZR 2.3 DISI Turbo.

Ky katër-cilindërsh zhvillon 260 KF me 5.500 o/min dhe 380 Nm moment rrotullues me 3.000 o/min, që për gjeneratën e mëhershme ka qenë e mjaftueshme për të arritur shpejtësinë prej 100 kilometrash në orë për 6.1 sekonda dhe atë maksimale prej 250 km/h.