Google Translate edhe në gjuhën shqipe

Një nga shërbimet e kompanisë Google, Google Translate, tash ka mundësinë që tekstet nga gjuhë të ndryshme të huaja t’i përkthej edhe në shqip, dhe anasjelltas.
Gjuhëve ekzistuese së bashku me shqipen iu shtuan edhe estonishtja, galicishtja, hungarishtja, maltishtja, tai dhe turqishtja.

Përkthimi bëhet automatikisht nëpërmjet fushës së sajtit ku mund të përkthehet një paragraf apo faqe të tëra që mund të vihen direkt aty apo nëpërmjet lidhëzave.

Duket se ky shërbim është më i saktë gjatë përkthimit nga shqipja në anglisht se sa anasjelltas. Sidoqoftë, ky shërbim do të ndihmoj shumë ta zëmë gazetarët dhe masterët e uebit që faqet e tyre të internetit t'i shndërrojnë në faqe shumë-gjuhësore. /UK Albanians/

Google Translate