BlackBerry Bold nxehet gjatë mbushjes

Operatori mobil japonez DoCoMo ka ndërprerë shitjen e celularit
BlackBerry Bold të kompanisë Research In Motion (RIM), pas padive nga
përdoruesit për nxehje të pajisjet gjatë mbushjes.Sipas të
dhënave nga DoCoMo, nga fillimi i shitjes javën e kaluar deri më tani
përdoruesve të rrjetit të tyre u janë shitur rreth 4.000 pajisje
BlackBerry Bold, derisa afro tridhjetë prej tyre janë ankuar për
nxehjen e pajisjes afër tastierës gjatë mbushjes. Mirëpo kompania nuk
ka pranuar asnjë lloj padie për lëndim të përdoruesve apo shpërthim
zjarr për shkak të nxehjes.

Përfaqësuesit e kompanisë RIM kanë theksuar se duket që problemi lidhet
vetëm me pajisjet të cilat aktualisht shiten në Japoni. Tani për tani
ata përjashtojnë problemet me baterinë, mirëpo ende janë në kërkim të
shkaktarit të vërtetë të problemit.