Bill Gates paralajmron Vista te re

Bill Gates synon të tronditë tregun

Një sistem operativ i orientuar nga rrjeti i internetit dhe që u shkon për shtat naviguesve

Fillimisht ishte "Longhorn" (briri i gjatë). Kështu quhej në mënyrë të koduar sistemi operativ i Microsoft-it, që do të zëvendësonte Windows XP (në treg që nga fundi i vitit 2001) dy vjet pas hedhjes së tij në treg. Më pas kompanisë me seli në Redmond iu desh të përballej me një seri problemesh të krijuara nga Windows XP (stabilitet, siguri e gjëra të tilla), të cilat u zgjidhën falë një rifreskimi të përgjithshëm ku u shtuan edhe disa risi që i dhanë mundësinë të përdorej qetësit të paktën deri kohët e fundit, gjë që në një farë mënyre bëri që hedhja në treg e "bririt të gjatë" të shtyhej në kohë.

Por tani XP po del me të vërtetë në pension e do të zëvendësohet nga Windows Vista (emri komercial i Longhorn), i cili që nga nëntori i shkuar, i shoqëruar me paketën Office System 2007 (versionet e reja të të famshmeve World, Exel, Powerpoint etj), është i disponueshëm për tregun profesional. Që nga fundi i janarit të dyja këto produkte do të mund të blihen nga të gjithë konsumatorët. Një revolucion i vërtetë për Microsoft, aq sa administratori i saj i deleguar, Steve Ballmer, më 30 nëntor të këtij viti i parapriu daljes së tij në treg, duke hapur mundësitë për blerjen e aksioneve në bursën Nasdaq të Nju-Jorkut: "Kjo është lëvizja më e fortë në treg në historinë tonë". Nuk është gjë e paktë, sidomos kur mendojmë se bëhet fjalë për një nga shoqëritë më të rëndësishme në botë, me një histori 30-vjeçare (drejtuesit e lartë të Microsoft janë të bindur se në vitin 2007 do të kenë më shumë se 200 milionë klientë në të gjithë planetin). Por përse është kaq e rëndësishme hedhja në treg e Windows Vista? Në thelb, për katër arsye. E para, te 90% e kompjuterëve në mbarë botën operojnë sisteme Microsoft (57% e tyre i përkasin tregut të biznesit dhe 43% konsumatorit privat). E dyta, sepse që prej pesë vitesh, që është një përjetësi në botën e informatikës, Microsoft nuk rishikonte aspektin grafik të sistemit të tij operativ. E treta, në këto vite kur tema e sigurisë së kompjuterëve është bërë gjithnjë e më e rëndësishme (në këtë fushë Microsoft ka hedhur disa hapa falsë), ndërkohë që konkurrenca gjithnjë e më e pamëshirshme, shumë rivalë të Billa Gates si Steve Jobs i "Apple" apo dueti Page Brin i "Google", kanë arritur të marrin feta të majme të tregut. Më pas, detaj që nuk mund të anashkalohet në asnjë mënyrë, Windows dhe Office përbëjnë 70% të faturimeve të Microsoft (më shumë se 44 miliardë dollarë në vitin e fundit fiskal), ndërkohë që vetëm gjatë vitit 2006 një xhiro biznesi prej më shumë se 13 milionë dollarësh (për vitin 2007 Microsoft parashikon se divizionet e tij së bashku do të mund të faturojnë një shifër prej 14,3 - 14,5 miliardë dollarësh, me një rritje përafërsisht 8 deri 10%).