Windows 7 vjen më herët !

Janë paraqitur disa indikacione se Microsoft, krejt ndryshe nga ajo që e ka zakon, tanimë gati e ka përfunduar versionin e ri të sistemit operativ Windows 7.
Njerëzit të cilët me vëmendje përcjellin versionet e reja jozyrtare të Windows 7, sistemit të radhës operativ nga Microsoft versioni eksperimental i të cilit është paraqitur para pak kohe, kanë vërejtur se më e reja prej tyre në emërtim ka shenjën RC1, që do të mund të nënkuptonte se bëhet fjalë për versionin e ashtuquajtur - Release Candidate.

Emërtimi i plotë i ISO pamjes së Windows 7 është 7048.winmain_win7rc1.090211-1625. Nëse kjo në të vërtetë është RC1 i Windowsit të ri, kjo do të thotë se ai është liruar dy muaj para planifikimit, derisa në të njëjtën kohë kjo do të nënkuptonte se Windows 7 pothuajse me siguri do të del në shitje gjatë këtij viti, e ndoshta edhe para festave të fundvitit.